Яңы алымдар
“Балаларға ниндәйҙер уға билдәле булмаған биш һүҙ өйрәтер өсөн бик оҙаҡ һәм заяға интегәсәкбеҙ, әгәр егерме биш шундай һүҙҙе рәсәм менән бәйләп өйрәтһәк-был күпкә еңелерәк , тиҙерәк һәм отошлораҡ булыр... К.Д.Ушинский
Федераль дәүләт стандарттарына тура килтереп белем биреү өсөн һәр педагог эҙләнә. Эштең фәһеме булһын өсөн үҙенең педагогик эшсәнлегендә яңы алымдар һәм идеялар ҡуллана. Бына мин үҙ эшемдә төрлө ҡыҙыҡлы методик ҡулланмалар файҙаланам:
-лэпбук
-мнемотехника
-музей педагогикаһы
Лэпбук ул - интерактив тематик папка. Йәки ҡулдан яһалған кеҫәле, асыла торған матур китап
Мнемотехника ҡулланыу һуңғы ваҡытта актуаль булып китте.Сөнки был технология аша төрлө бурыстарҙы тормошҡа ашырырға мөмкин :
-
балаларҙың юғары психик функцияларын үҫтереү.
-
аҡыл активлығын, күҙәтеүсәнлек, сағыштыра белеү.
-
график аналогияларға ҡарап тулы бәйләнешле һөйләргә өйрәтеү
Т
Музей педагогикаһы аша кескәйҙәр халҡыбыҙҙың үткәне, көнкүреш әйберҙәре, боронғо кейемдәре, биҙәүестәре, тарихы. сәнғәте менән танышалар. Шул уҡ ваҡытта тел байлығы үҫешә, үҙенең теленә, халҡына ҡарата һоҡланыу тойғоһо арта, һөйөү тәрбиәләнә.
Беҙҙең баҡсабыҙҙа 2022-се йылындың март айында милли-төбәк компонентын тормошҡа ашырыуҙы арттырыу маҡсатында ресурс үҙәге асылды. Үҙәк районда эшләп килгән башҡорт төркөмдәре тәрбиәселәренә методик ярҙам күрһәтә, асыҡ дәрестәр, оҫталыҡ дәрестәре, семинарҙар үткәрә, тәжрибә менән уртаҡлаша.
